राज्यातील १२ वी सीबीएससी आणि सीईटी परीक्षांचे पेपर एकाच दिवशी आल्याने विद्यार्थ्यांमध्ये संभ्रम निर्माण झाला आहे. १ ते ४ एप्रिल दरम्यान सीबीएससी बोर्डाची परीक्षा होणार आहे. त्याच दरम्यान, बीसीए, बीबीए, बीएमएस, बीबीएम आणि त्याचसोबत ५ वर्षाच्या एलएलबी अभ्यासक्रमाच्या सीईटी परीक्षा होणार आहेत. तर ४ एप्रिलला ५ वर्षाच्या एलएलबी अभ्यासक्रमाची परीक्षा नियोजित आहे आणि त्याच दिवशी १२ वी सीबीएससीचा सायकॉलॉजीचा पेपर असणार आहे. त्यामुळे १ ते ४ एप्रिल दरम्यानच्या परीक्षेच्या वेळापत्रकात बदल करण्याची मागणी आता विद्यार्थी आणि पालकांकडून केली जात आहे.