मुंबई: सामाजिक कार्यकर्त्या अंजली दामनिया यांनी पुन्हा एकदा कृषि घोटाळा आणि ऑफिस ऑफ प्रॉफिट प्रकरणी माजी मंत्री आमदार धनंजय मुंडे यांच्यावर गंभीर आरोप केले आहे. या संदर्भात लाचलुचपत प्रतिबंधक विभागाच्या तपासणी अधिकाऱ्यांना दिल्याचे दमानिया यांनी सांगितले आहे. पत्रकारांशी बोलताना अंजली दमानिया म्हणाल्या, कृषि घोटाळ्याची आणि ऑफिस ऑफ प्रॉफिट कसे केले गेले आहे याची सर्व माहिती मी एसीबीच्या तपासणी अधिकाऱ्यांनी दिली आहे.

यावेळी दामनियांनी धनंजय मुंडे यांच्यावर थेट निशाणा साधला आहे. धनंजय मुंडेना भ्रष्टाचाराबाबत शिक्षा व्हायलाच पाहिजे. अशीं मागणी त्यांनी केली. त्या पुढे म्हणाल्या, ते 32 कोटीं देवाकडे जातील. परंतु एसीबीने योग्य कारवाई केली तर ते या प्रकरणातून वाचणार नाही. जर वरतून दबाव आला किंवा त्यांना वाचवण्याचा प्रयत्न झाला तर मात्र चित्र वेगळे असेल असे ही त्या म्हणाल्या.