सामाजिक कार्यकर्त्या अंजली दमानिया यांनी उपमुख्यमंत्री अजित पवार यांना थेट इशारा दिला आहे. अजित पवारांशी संबंधित सिंचन घोटाळा, महाराष्ट्र कोऑपरेटिव्ह बँक घोटाळा आणि जरंडेश्वर घोटाळ्याच्या फाईल्स पुन्हा उघडण्यासाठी उच्च न्यायालयात जाणार असल्याचे दमानिया यांनी म्हटले आहे. दमानियांच्या मते, 'तुमचे मित्र देवेंद्र फडणवीस असल्यामुळे ते सगळं बाजूला टाकलं गेलं, तुमच्यावरच्या सगळ्या कंप्लेंट्स होत्या त्या क्लोज करण्यात आल्या म्हणून मी आता हायकोर्टाकडे अपील करून सिंचन घोटाळा, महाराष्ट्र कोऑपरेटिव्ह बँक घोटाळा, जनदेश्वर घोटाळा याच्या सगळ्या फाईल रिओपन करण्याची मागणी करणार आहे.' या आरोपांमुळे महाराष्ट्राच्या राजकारणात पुन्हा एकदा जुने घोटाळे चर्चेत आले आहेत.