नाशिक लोकसभा मतदासंघातील अपक्ष उमेदवार शांतीगिरी महाराज यांनी पंतप्रधान नरेंद्र मोदी यांनी भेटीचं आमंत्रण दिल्याची बातमी समोर आलीये. शांतीगिरी महाराज हे भाजपकडून लोकसभा निवडणूक लढवण्यास इच्छूक होते. पण, नाशिकची जागा शिवसेनेला सुटल्यामुळे शिवसेनेचे विद्यामान खासदार हेमंत गोडसे यांना नाशिक येथून उमेदवारी जाहीर झाली. नेमकं याच कारणामुळे शांतीगिरी महाराज यांनी अपक्ष उमेदवारी दाखल करत निवडणुकीच्या रिंगणात उडी मारली. शांतीगिरी महाराजांचं हेच बंड शांत करण्यासाठी मोदींनी त्यांना भेटीचं आमंत्रण दिलं होत का? अशा चर्चांना उधाण आलंय.