देवेंद्र फडणवीस यांनी मोठ्या संघर्षाचा काळ पाहिला आहे. विधानसभा निवडणुकीच्या प्रचार काळातच महिलांचा प्रतिसाद पाहून सर्वांना देवेंद्र फडणवीस हे पुन्हा मुख्यमंत्री म्हणून हवे असल्याचं जाणवत होतं, अशी प्रतिक्रिया अमृता फडणवीस यांनी दिली आहे.

आज महायुती सरकारचा शपथविधी सोहळा मुंबईच्या आझाद मैदानावर पार पडत आहे. देवेंद्र फडणवीस हे राज्याचे पुढचे मुख्यमंत्री म्हणून यावेळी शपथ घेणार आहेत. या सोहळ्याला अनेक दिग्गज मंडळी हजेरी लावणार आहेत. देवेंद्र फडणवीस यांच्या पत्नी अमृता फडणवीस यांनी यावेळी मध्यमांशी संवाद साधला. त्या म्हणाल्या की, लाडकी बहिण योजना खुप चांगली आहे. देवेंद्र फडणवीस यांनी मोठ्या संघर्षाचा काळ पाहिला आहे. मात्र विधानसभा निवडणुकीच्या प्रचार काळातच महिलांचा प्रतिसाद पाहून सर्वांना देवेंद्र फडणवीस पुन्हा हवे असल्याचे जाणवत होते. देवेंद्र फडणवीस हे महाराष्ट्राचा विकास करतील आणि चांगल्या योजना राबवतील असा विश्वास त्यांनी व्यक्त केला.

Edited By Rakhi Rajput