संपूर्ण राज्याचे लक्ष लागून असलेल्या अमरावती शिक्षक मतदारसंघाची निवडणूक आज अत्यंत शांततेत पार पडली. सकाळी ८ ते सायंकाळी ४ वाजेपर्यंत अमरावती, अकोला, बुलढाणा, यवतमाळ आणि वाशिम या जिल्ह्यांमध्ये मतदान प्रक्रिया सुरळीत आणि शांत वातावरणात संपन्न झाली.

या निवडणुकीत महायुतीचे उमेदवार किरण सरनाईक यांच्यासमोर बंडखोरांचे मोठे आव्हान उभे ठाकले होते. दुसरीकडे, महाविकास आघाडीत शिवसेना (उद्धव बाळासाहेब ठाकरे) गट आणि काँग्रेसने स्वतंत्र निवडणूक लढवल्याने त्याचाही फटका बसण्याची शक्यता वर्तवली जात आहे. प्रचारादरम्यान या सर्व घडामोडींवर राजकीय नेत्यांकडून जोरदार आरोप-प्रत्यारोप झाल्याचे पाहायला मिळाले. आता या निवडणुकीत बंडखोरीचा नेमका फटका कोणाला बसणार आणि विजयाची बाजी कोण मारणार, हे येत्या २७ तारखेला होणाऱ्या मतमोजणीच्या दिवशीच स्पष्ट होईल. तर साम टीव्हीच्या Exit Poll मध्ये काँग्रेसच्या उमेदवार आदिती पोहरे यांचे पारडे जड दिसून येत आहे.