Amravati Lok Sabha Voting News LIVE: लोकसभा निवडणुकीच्या दुसऱ्या टप्प्याचं मतदान पार पडत असताना अमरावतीतून मोठी बातमी समोर आली आहे. अमरावती शहरातील रुक्मिणी नगर शाळा क्रमांक 19 येथील एका वोटिंग मशीनमध्ये बिघाड झाल्याचं पाहायला मिळालं. 15 मिनिटं ही वोटिंग मशीन बंद असल्यानं मतदारांची रांग वाढत गेली. दरम्यान, 15 मिनिटानंतर मतप्रक्रिया पूर्ववत करण्यात आली. मनपा शाळेच्या खोली क्रमांक पाचमध्ये असलेल्या वोटिंग मशिनीत झालेल्या बिघाडाचा फटका मतदारांना बसल्याचं सांगितलं जातंय. अमरावतीतल नवनीत राणा यांना भाजपने उमेदवारी दिलीय. तर प्रहारकडून दिनेश बुब अमरावतीतून निवडणूक लढवत आहेत. तर महाविकास आघाडीच्या वतीने बळवंत वानखेडे यांना उमेदवारी देण्यात आली आहे. अमरावतीत होणाऱ्या या तिरंगी लढतीत कोण बाजी मारतं हे पाहणं महत्त्वाचं असणार आहे. नवनीत राणा अमरावतीचा गड यंदा राखू शकतील का? याकडे महाराष्ट्राचं लक्ष लागलंय.