अमरावती जिल्ह्यातील ब्राह्मणवाडा थडी ग्रामपंचायतीमध्ये चांगलीच खळबळ उडाली आहे. ग्रामपंचायत सरपंच पद्मा मेसकर आणि विरोधी गटाचे सदस्य राजू उल्ले यांच्यात ग्रामपंचायत कार्यालयातच थेट फ्रीस्टाईल हाणामारी झाल्याची घटना समोर आली आहे.

झालेल्या वादाचे दृश्य कार्यालयातील सीसीटीव्ही कॅमेऱ्यात कैद झाले असून, दोघांनीही एकमेकांना मारहाण केल्याचे स्पष्टपणे दिसून येत आहे. प्राथमिक माहितीनुसार, जागेच्या नमुना आठ 'अ' फेरफारावरून हा वाद झाला होता. या प्रकरणावरून स्थानिक पोलीस ठाण्यात परस्परविरोधी तक्रारी दाखल करण्यात आल्या असून, पोलीस पुढील तपास करत आहेत.