CDSCOने त्यांच्या वेबसाइटवर एक यादी जाहीर केली आहे. ज्यात म्हटले आहे की, पॅरासिटामोल, पॅन डी आणि कॅल्शियम सप्लीमेंटसह ५३ औषधे ही क्वालिटी चेकमध्ये फेल झाले आहेत. या अहवालामुळे CDSCOने दिलेल्या औषधांच्या वापरासंदर्भात चिंता व्यक्त केली जात आहे. ताप, रक्तदाब, मधुमेह, पोटातील संसर्ग आदीसाठी जी औषधे तुम्ही घेता त्याची गुणवत्ता खराब आहे. यातील अनेक औषधे हे नकली आहेत.

CDSCOने ५३ औषधांची गुणवत्ता चेक केली होती. ज्यातील ४८ औषधे त्याच्या मानकांवर खरी उतरली नाहीत. अन्य ५ औषधांना या यादीतून हटवण्यात आले आहे. कारण ही औषधे तयार करणाऱ्या कंपन्यांनी दावा केला होता की बाजारात त्यांच्या नावाने बनावट औषधे विकली जात आहेत. कंपन्यांनी असे देखील म्हटले आहे की, या विकल्या जाणाऱ्या औषधांची निर्मिती त्यांनी केलेली नाही.