मुंबई : उत्तर-पश्चिम मुंबई लोकसभा मतदारसंघाचे उमेदवार अमोल गजानन कीर्तिकर यांनी शिवसेना पक्षप्रमुख उद्धव ठाकरे यांच्या वांद्रे मातोश्री निवासस्थानी जाऊन एबी फॉर्म घेतला. यावेळी माजी मंत्री सुभाष देसाई आणि विधान परिषद आमदार विलास पोतनीस देखील सोबत होते. युवासेना प्रमुख आमदार आदित्य ठाकरे यांच्या हस्ते कीर्तिकर यांनी आपला एबी फॉर्म स्वीकारला आहे. अमोल कीर्तिकर हे दोन मे रोजी आपला उमेदवारी अर्ज दाखल करणार आहेत. माझं मन एकदम भरून आलं असून जबाबदारीची जाणीव निर्माण झाल्यासारखं वाटत असल्याचं कीर्तिकर म्हणाले.