अजित पवारांच्या जनसन्मान यात्रेत भाजपच्या माजी जिल्हा परिषदेच्या अध्यक्ष आशा बुचके यांनी काळे झेंडे दाखवल्याचा प्रकार समोर आला. त्यानंतर आता राष्ट्रवादीचे आमदार अमोल मिटकरींची देखील प्रतिक्रिया समोर आली आहे. भाजपच्या पदाधिकाऱ्यांनी काळे झेंडे दाखवून अजित पवार यांचा एक प्रकारे अवमान केल्याचा प्रकार केला आहे, त्याच उत्तर देवेंद्र फडणवीसांनी द्यावे,आणि त्यांनी तात्काळ आपली भूमिका व्यक्त मांडावी..अशी मागणी मिटकरी यांनी केली आहे. एक प्रकारे काळे झेंडे दाखवून भाजपला काय पुरुषार्थ साधायचं आहे? भाजपचा याला समर्थन आहे का? असा सवाल मिटकरींनी उपस्थित करत, भाजपनं तात्काळ याचा खुलासा केला पाहिजे, असेही ते म्हटले आहेत.