एकनाथ शिंदेंचे 35 आमदार फुटणार आहेत, असा दावा खासदार संजय राऊतांनी केलाय.. त्यामुळे राऊतांनी कमबॅक करताच विरोधकांवर कसा प्रहार केलाय ? शिंदेंची कोंडी करण्याचा प्रयत्न नेमकं कोण करतयं? पाहूयात या स्पेशल रिपोर्टमधून...

आजारपणामुळे महिनाभर राजकीय जीवनातून ब्रेक घेतलेल्या राऊतांनी कमबॅक करताच विरोधकांवर जोरदार हल्लाबोल केलाय.. केंद्रीय गृहमंत्री अमित शाहच शिंदेसेनेचा कोथळा काढणार आहेत. शिंदेंचे 35 आमदार फुटणार, असा खळबळजनक दावा राऊतांनी केलाय...

दरम्यान राऊतांनी केलेल्या दाव्यावर मुख्यमंत्री देवेंद्र फडणवीस आणि उपमुख्यमंत्री एकनाथ शिंदेंनी सारवासारव केलीय. दोन्ही नेत्यांनी राऊतांना उत्तम आरोग्यासाठी शुभेच्छा देत टोला लगावलाय. ऐन निवडणुकीच्या तोंडावर महायुतीतील अंतर्गत वाद चव्हाट्यावर आलाय. भाजपनं ठाणे, अंबरनाथमध्ये शिंदेसेनेच्या पदाधिकाऱ्यांना गळाला लावलयं. ठाण्यासह सिंधुदुर्ग, हिंगोली, सांगोलामध्ये भाजप आणि शिंदे सेनेमधील वाद टोकाला गेलाय. अशातच राऊतांनी शिंदेंचे 35 आमदार फुटणार असल्याचा दावा केल्यानं शिंदेसेनेतील अस्वस्थता आणखी वाढतेय. महायुतीतील वाद शमणार का? आणि शिंदेसेना एकसंध ठेवण्यासाठी एकनाथ शिंदे कोणती रणनीती आखतात? हे पाहणं महत्त्वाचं आहे.