किल्ले रायगडावर केंद्रीय गृहमंत्री अमित शाह यांच्या उपस्थितीत पार पडलेल्या कार्यक्रमात एकनाथ शिंदेंना अचानक भाषणाची संधी देण्यात आली, तर राष्ट्रवादीचे नेते आणि उपमुख्यमंत्री अजित पवार यांना मंचावर असूनही बोलण्याची संधी मिळाली नाही.

कार्यक्रमाच्या आधी जाहीर करण्यात आलेल्या यादीत शिंदे आणि पवार, दोघांचेही भाषण नव्हते. मात्र, शेवटच्या क्षणी मुख्यमंत्री देवेंद्र फडणवीस यांनी एकनाथ शिंदेंच्या नावाचा आग्रह धरला आणि त्यानुसार शिंदेंना भाषणासाठी बोलावण्यात आलं. सूत्रांच्या माहितीनुसार, शिंदेंची नाराजी टाळण्यासाठी मुख्यमंत्र्यांनी हा आग्रह धरल्याची चर्चा आहे.