पुणे येथील दीनानाथ रुग्णालयात जी घटना घडली अशा घटना महाराष्ट्रात सर्रास होतात. आता ही घटना आमदारांच्या सेक्रेटरीच्या पत्नीसोबत घडली म्हणून समोर आली अंशी प्रतिक्रिया ठाकरे गटाचे नेते अंबादास दानवे यांनी दिली. ते पुढे म्हणाले, सरकार अशा धर्मदाय रुग्णांना मोठ्या सोयसुविधा देतात. जागेपासून तर पाणी,वीजपर्यंत सर्व सुविधा सरकार हे देत असते. मात्र याचा जनतेला कोणताही लाभ होत नाही. विधानसभेत याबाबत विधेयक देखील मंजूर झाले आहे. हे धर्मादाय रुग्णालय फक्त नफेखोरीसाठी काम करतात यांना जनतेच्या आरोग्याशी काही देणे घेणे नाही अशा मानसिकतेत हे असतात. याबाबत सरकारला कठोर पावले उचलावे लागतील असे अंबादास दानवे म्हणाले.