सामाजिक न्याय मंत्री संजय शिरसाट यांच्यावर माजी खासदार इम्तीयाज जलील यांनी दलित लोकांच्या जमिनी हडपले असा गंभीर आरोप केला होता. यावरच ठाकरे गटाचे नेते अंबादास दानवे यांनी यावर भाष्य केले आहे. शिरसाठ यांची गाडीही दुबईवरून दुसऱ्याच्या नावावर आणण्यात आली आहे. राजकीय पदाचा वापर करून वर्ग बदलून लोकांना हाताशी धरून जमिनी घेणे आणि त्याही फक्त मंत्र्यांच्या मुलाला जागा मिळतात कसे आणि स्वस्त कसे याबाबत जलील यांच्या आरोपाची चौकशी व्हायला हवी.

रेडी रेकनारच्या खाली जाऊन सौदे होतात कसे याबाबत अधिकाऱ्यांवर ही कारवाई व्हायला हवी. या जमिनीसाठी पैसे आणले कसे? याबाबत शिरसाठ यांनी उत्तर द्यावे, शिरसाठ कोणाच्या नावाने गाडी घेतात वापरतात. ती दुबईहून आणली आहे असे मला कळले. भोंडवे नावाच्या माणसाच्या नावावर ती गाडी आहे. हे सगळं चालतय कसे? असा माझा सवाल आहे. हे सगळे शिवसेनेचे म्हणायचे नाही हे गद्दार आहे, जनतेची लूट हे करतात. तो पक्ष नाही असे धंदे करणाऱ्या लोकांचा तो गट आहे आणि म्हणूनच ते फसत आहे. अशी घणाघाती टीका अंबादास दानवे यांनी संजय शिरसाट यांच्यावर केली आहे.