करवीर निवासिनी श्री अंबाबाई मंदिरातील भाविकांसाठी आज मूळ मूर्तीचं दर्शन बंद राहणार आहे. शारदीय नवरात्रोत्सवाच्या पार्श्वभूमीवर देवीच्या गाभाऱ्याची स्वच्छता करण्यात येणार असल्याने हा निर्णय घेण्यात आला आहे.नवरात्रोत्सव सुरु झाल्यावर देवीच्या दर्शनासाठी अनेक भाविक येत असतात. मंदिर समितीच्या माहितीनुसार, सकाळी साडेनऊ ते संध्याकाळी साडेसहा या वेळेत मूळ मूर्तीचं म्हणजेच अंबाबाई दर्शन घेता येणार नाही. या कालावधीत भाविकांना उत्सव मूर्तीचं दर्शन घेण्याची व्यवस्था करण्यात आली आहे. दरम्यान, उद्यापासून मूळ मूर्तीचं दर्शन पुन्हा सुरू होणार असून भाविकांना नवरात्रोत्सवात नियमितपणे दर्शन घेता येणार आहे.