अलिबाग येथील RCF कंपनी विरोधात शिवसेनेकडून आंदोलन करण्यात आलं. या आंदोलनाला आता हिंसक वळण लागलंय. शिवसेना कार्यकर्त्यांनी RCF कंपनी बाहेरील रस्त्यावर टायर जाळून जिल्हा प्रशासनाचा निषेध केला. शिवसेना आमदार महेंद्र दळवी यांच्या नेतृत्वाखाली हे आंदोलन करण्यात आले. दरम्यान रस्ता रोको आंदोलनाला हिंसक वळण लागल्यानंतर आमदार दळवी यांच्यासह शिवसैनिक आणि पोलिसांमध्ये धक्का बुक्की झाली. प्रकल्पग्रस्तांना नोकरीत सामावून घेणे, प्रदूषण, परिसरातील रस्ते आदी समस्यांविरोधात शिवसेना आक्रमक झाली आहे. शिवसैनिक आणि प्रकल्पग्रस्तांच्या मागण्या मान्य न झाल्यास हे आंदोलन अधिक तीव्र होईल अशी शक्यता वर्तवली जात आहे.