अलिबागजवळ खांदेरी किल्ल्याजवळ एक मच्छीमार बोट बुडाली आहे. बोटीवर ८ खलाशी होते यातील ५ बचावले असून उर्वरित तीन खलाशी बेपत्ता आहेत. बचावलेल्या ५ खलाशांनी ९ तास पोहत समुद्र किनारा गाठला. त्या पाचही जणांना अलिबागच्या जिल्हा रुग्णालयात दाखल करण्यात आले आहे. तर तीन खलाशी अजून बेपत्ता असून त्यांचा शोध घेतला जात आहे. आज सकाळी ७ वाजता करंजा येथील मच्छीमार बोट समुद्रात मासेमारी साठी निघाली होती. सकाळी आठ वाजण्याच्या सुमारास बोट खांदेरी किल्ल्याजवळ आली. त्यावेळी लाटांच्या जोरदार माऱ्याने बोट बुडाली. मासेमारीवरील बंदी उठायला आणखी आठवडा बाकी असतानाच मच्छीमार बोटी समुद्रात गेल्याने आश्चर्य व्यक्त होतंय.