अक्षय शिंदे एन्काऊंटर प्रकरणाची आता चौकशी करण्यात येणार आहे. एक सदस्यीय समितीकडून ही चौकशी करण्यात येणार आहे. राज्य सरकारकडून स्थापन करण्यात आलेल्या या समितीत निवृत्त न्यायमूर्ती दिलीप भोसले हे या सर्व प्रकरणाची चौकशी करणार आहेत.

बदलापूर शाळेतील 2 चिमुकल्या मुलींवर झालेल्या अत्याचार प्रकरणातील आरोपी अक्षय शिंदे याचं पोलिसांनी एन्काऊंटर केलं होत. त्यांनंतर या सर्व घटनेवर न्यायालयाने सरकारवर ताशेरे ओढले होते. प्रशासनावर काही प्रश्नचिन्ह उपस्थित केले होते. या पार्श्वभूमीवर ही समिती आता चौकशी करणार आहे. ही एक सदस्यीय समिती असणार आहे. निवृत्त न्यायमूर्ती दिलीप भोसले हे आता या सगळ्या प्रकरणात चौकशी करणार आहे. अक्षय शिंदेच्या पालकांनी या एन्काऊंटर विरोधात उच्च न्यायालयात याचिका दाखल केलेली होती. या याचिकेच्या सुनावणी दरम्यान न्यायालयाने सरकारवर अनेक प्रश्नचिन्ह उपस्थित केले होते. यानंतर आता राज्य सरकारने ही समिती स्थापन केली आहे. या समितीचा अहवाल काय येतो याकडे सगळ्यांचं लक्ष लागलं आहे.