अकोला येथील बाळापूरमध्ये ट्रकचा भीषण अपघात झाला आहे. 10 ते 15 जणांचा जीव वाचविण्याच्या प्रयत्नात ट्रक थेट शेतात जाऊन उलटला. दोन दिवसांपूर्वी या पुलावरून कार उलटून तिघांचा मृत्यू झाला होता. यातील अपघातग्रस्त कार बाहेर काढण्याचे काम सुरू होते. यावेळी ती कार बाहेर काढण्यासाठी महामार्गावरील पुलावर १० ते १५ जण उभे होते. त्याचवेळी वाडेगावकडून भरधाव ट्रक आला. अपघातग्रस्त कार बाहेर काढण्यासाठी मदत करणाऱ्या त्या १५ जणांना वाचवताना ट्रक अनियंत्रित झाला आणि बाजूच्या शेतात जाऊन उलटला. ट्रकमध्ये जनावरांच्या खाद्याची पोती होती. ती अपघातानंतर शेतात पडली. यात ट्रकचंही मोठं नुकसान झालं आहे.

याच ठिकाणी आदल्या दिवशी एका कारचा भीषण अपघात झाला होता. पुलाचे कठडे तोडून भरधाव कार खाली कोसळली होती. या भीषण अपघातात तीन जणांचा मृत्यू झाला होता. एक जण गंभीर जखमी झाला होता. त्याच्यावर अकोल्याच्या शासकीय रुग्णालयात उपचार सुरू आहेत. अपघातात मृत्यू झालेले सर्व जण बाळापूर शहरातील रहिवासी होते.