Akola Lok Sabha Voting News LIVE: नांदेड, अमरावतीनंतर अकोल्यातही वोटिंग मशिनमध्ये खराबी झाली असल्याचं समोर आलं होतं. अकोल्यातील अकोट तालुक्यात एका वोटिंग बूथवर मतदान मशिनमध्ये तांत्रिक बिघाड झाला होता. अकोट तालुक्यातील उमरा गावातील बुथ क्रमांक ३३३ वर मतदान प्रक्रियेवर परिणाम झाला होता. वोटिंग मशिनमधील तांत्रिक बिघाडाचा फटका मतदारांना बसल्याचं पाहायला मिळालं होतं. दरम्यान, मशिन बदलवण्यासाठी प्रशासनाकडून तातडीने प्रयत्न करण्यात आले. मतदारांचा खोळंबा होऊ नये आणि मतदान प्रक्रिया सुरळीत व्हावी, यासाठी युद्धपातळीवर प्रयत्नही करण्यात आल्याचं पाहायला मिळाल. संपूर्ण देशभरात लोकशाहीचा उत्सव साजरा केला जातोय. लोकसभा निवडणुकीच्या दुसऱ्या टप्प्याचं मतदान आज पार पडत असताना अनेक ठिकाणी वोटिंग मशिनमध्ये बिघाड झाल्याच्या घटना समोर आल्या होत्या.