पुण्यातील सावित्रीबाई फुले पुणे विद्यापीठात अखिल भारतीय विद्यार्थी परिषदेच्या कार्यकर्त्यांनी आंदोलन सुरू केलं आहे. विद्यापीठाच्या परीक्षा विभागाविरोधात हे आंदोलन करण्यात येत आहे. आक्रमक भूमिका घेत अभाविपकडून निद्रा नाश आंदोलन करण्यात येत आहे. पुणे विद्यापीठातील परीक्षा विभाग झोपलेलं आहे, असा आरोप यावेली आंदोलकांकडून करण्यात आला आहे. त्यांना जागं करण्यासाठी हे निद्रा नाश आंदोलन करण्यात येत असल्याचं सांगण्यात आलं आहे. जोरदार घोषणाबाजी यावेळी आंदोलकांकडून करण्यात येत आहे. पुणे विद्यापीठाच्या प्रशासकिय विभागात हे आंदोलन सुरू आहे. अद्यापही अनेक विभागांचे निकल लागलेले नाहीत. त्यात सातत्याने विलंब केला जात आहे. विद्यार्थ्यांची परीक्षा फी माफ करण्यात यावी यासह विविध मागण्यांसाठी हे आंदोलन करण्यात आलं आहे. अभाविपने आक्रमक भूमिका घेतल्याने विद्यापीठातील परीक्षा विभाग कार्यालयाचा दरवाजा बंद करण्यात आला होता. मात्र संतप्त आंदोलकांनी दरवाजा उघडून परिसरात घोषणाबाजी करत आंदोलन सुरू केलं.