छत्रपती शिवाजी महाराजांची वाघनखं साताऱ्यातील संग्रहालयात दाखल झाली आहेत. यादरम्यान उपमुख्यमंत्री अजित पवार यांनी भाषण केलं आहे. गेल्या अनेक दिवसांपासून वाघनखांच्या मुद्द्यावरुन विरोधकांकडून टीका केली जात होती. या टीकांवर आता अजित पवार यांनी जोरदार प्रत्युत्तर केलं आहे. काही चांगले घडत असेल तर काही जण टीका टीपणी करतात, जे टीका करतात ते लंडनला गेले की कोहिनूर हिरा बघतात आणि वाघनखे बघतात पण इथे आली की टीका करतात, असं म्हणत अजित पवार यांनी विरोधकांवर निशाणा साधला आहे. वाघनखं ही प्रेरणादायी असून, एकदा तरी ही वाघनखं बघण्याचं आवाहन अजित पवार यांनी केलं आहे.