लोकसभा निवडणुकीत अजित पवार गटाला फटका बसला होता. म्हणून विधानसभा निवडणकीसाठी अजित पवार गटाने आतापासूनच कंबर कसली आहे. अजित पवार गटाने आता नवीन रणनीती आखली आहे. अजित पवार गटाची प्रत्येक जाहिरात गुलाबी रंगात झळकणार आहे. फक्त जाहिरातच नाही तर अजित पवार यांचे जॅकेटही गुलाबी रंगात दिसणार आहे. गुलाबी रंग मतदारांच्या मनात बिंबवण्यासाठी अजित पवार गटाने ही युक्ती लढवली आहे. इतकंच नाही तर सॉफ्ट हिंदुत्वासाठी अजित पवार आपल्या सर्व आमदारांसोबत सिद्धिविनायकाच्या चरणीही लीन झाले होते.