सचिन कदम, साम टीव्ही

रायगड : एसटी महामंडळाचे अध्यक्ष पद घेतल्यानंतर शिवनेरी सुंदरी योजनेची घोषणा आमदार भरत गोगावले यांनी केली होती. त्यावरून उपमुख्यमंत्री अजित पवार यांनी भरत गोगावले यांना कानपिचक्या दिल्या. एअर होस्टेसप्रमाणे एसटी बसमध्ये पण होस्टेस ठेवणार आहेत, त्यांनी जरूर ठेवा, पण आपल्या बसेसही चांगल्या ठेवा. त्यासाठी लागणारा निधी उपलब्ध करून देऊ, असं अजित पवार म्हणाले. आज माणगाव येथे पार पडलेल्या मुख्यमंत्री माझी लाडकी बहीण योजनेच्या वचनपूर्ती कार्यक्रमात ते बोलत होते.