पुण्यातील वाढत्या वाहतूक कोंडीचा प्रश्न मार्गी लावण्यासाठी उपमुख्यमंत्री अजित पवार दुसऱ्यांदा भल्या पहाटे रस्त्यावर उतरले. आज पहाटे त्यांनी हिंजवडी आयटी पार्क परिसराचा सविस्तर दौरा करून तेथील वाहतूक आणि नागरी सुविधांचा आढावा घेतला.काही दिवसांपूर्वी अजित पवारांनी हिंजवडीतील याच बांधकामांची पाहणी केली होती. त्या सुधारणा करण्यात आल्या आहेत का? हे पाहण्यासाठी अजित पवार पुन्हा आले. दौऱ्यादरम्यान अजित पवारांनी थेट हिंजवडी गावच्या सरपंचाला झापलं. त्यांनी अनधिकृत बांधकामे आणि अतिक्रमणाच्या मुद्द्यावर तीव्र नाराजी व्यक्त करत, "अतिक्रमण हटवताना मी जरी आडवा आलो तरी मला बाजूला करा," अशा शब्दांत अधिकाऱ्यांना स्पष्ट सूचना दिल्या.