पुणे : अजित पवार यांच्या पत्नी सुनेत्रा पवार बारामती लोकसभेसाठी आपला उमेदवारी अर्ज भरणार आहेत. त्याआधी त्यांनी दगडूशेठ हलवाई मंदिराला भेट दिली. अजित पवार यांच्यासह दिलेल्या भेटीदरम्यान त्यांनी गणपती बाप्पाची प्रार्थना केली. आपल्या विजयासाठी त्यांनी बाप्पासमोर साकडं घातलं. यावेळी दगडूशेठ हलवाई गणपती मंदिरात उभयतांनी आरतीही केल्याचं पाहायला मिळालं. सुनेत्रा पवार यांना राष्ट्रवादी काँग्रेस अजित पवार पक्षाकडून उमेदवारी जाहीर करण्यात आलीय. बारामती मध्ये सुनेत्रा पवार विरुद्ध सुप्रिया सुळे असा थेट सामना पाहायला मिळणार आहे. त्यामुळे बारामती लोकसभेच्या या लढतीकडे संपूर्ण देशाचे लक्ष लागले आहे.