राज्याचे उपमुख्यमंत्री अजित पवार यांची तब्येत अचानक बिघडल्याने त्यांचे आजचे सर्व कार्यक्रम रद्द करण्यात आले आहेत. अजित पवार यांचे पुणे शहरात अनेक कार्यक्रम होते. त्यांना घश्याचा संसर्ग झाल्याचे समोर आले आहे.

काल अजित पवार हे नाशिक दौऱ्यावर होते. त्यावेळी त्यांनी भाषणात देखील संगितले होते की आपली प्रकृती ठीक नाहीये. आताच आपण गोळ्या घेतल्या आहेत, तरी देखील मला बरं वाटत नाहीये. त्यामुळे मी जास्त बोलणार नाही असे अजित पवारांनी भाषणात अधोरेखित केले होते. कार्यक्रम आटोपल्यानंतर ते ओझर विमानतळावरून पुणेला रवाना झाले. मात्र रात्री उपचार घेतल्यानंतरही त्यांना बरं वाटत नसल्याने त्यांनी आजचे सर्व कार्यक्रम रद्द केले आहे.