राज ठाकरे यांनी काल आपल्या पक्ष मेळाव्यामध्ये कार्यकर्त्यांशी संवाद साधताना सरकारवर सडकून टीका केली होती. राज ठाकरे म्हणाले होते एक खोक्या भाई काही घेऊन बसलाय खोक्या भाईंनी तर अख्खी विधानसभा भरली आहे. विधानसभेत सगळे खोकेबाज भरले आहेत. तुम्हाला भलत्याच विषयात भरकटवले जाते, आणि मूळ प्रश्न बाजूला राहतात अशी टीका केली होती. यावरच मंत्री आशिष शेलार यांनी प्रतिउत्तर दिले होते. एखादा वाक्य असं करणार की ज्याने सर्वांचं लक्ष आपल्याकडे वेधून घेणे हे राज ठाकरे करत असतात आणि ज्यांना विधानसभेत जाता आले नाही ते अशी विधाण करत असतात. अशी खोचक टीका मंत्री आशिष शेलार यांनी राज ठाकरेंवर केली होती. तर आज उपमुख्यमंत्री अजित पवार यांनी यावर प्रतिक्रिया दिली आहे. राज ठाकरे कधी निवडून आले का? असा सवाल अजित पवार यांनी माध्यमांशी बोलताना विचारला.