आज राज्याचे उपमुख्यमंत्री तथा पुणे जिल्ह्याचे पालकमंत्री अजित पवार यांनी पहाटेच पुणे येथील हिंजवडीची पाहणी केली. गेल्या काही दिवसांपासून या ठिकाणी मोठ्या प्रमाणात पाणी साचत आहे. यामुळे नागरिक त्रस्त झाले असून सरकारच्या प्रति संताप व्यक्त केला होता. यावरून आज अजित पवार यांनी अधिकऱ्यांना खडेबोल सुनावले. आयटी पार्क हिंजवडी, माण आणि मारुंजीच्या विकास कामात जर कोणी आडवा येत असेल तर त्यांच्या विरोधात सरळ 353 दाखल करा. कुणाचाही विचार करू नका. मी जरी मला आडवा आलो तर माझ्यावर पण 353 दाखल करा. त्याशिवाय हिंजवडी भागातील रस्ता आणि वाहतूक कोंडी चे प्रश्न सुटणार नाही अशा कडक सूचना उपमुख्यमंत्री अजित पवार यांनी पिंपरी चिंचवडचे पोलीस आयुक्त विनयकुमार चौबे आणि पीएमआरडीए चे आयुक्त डॉक्टर योगेश म्हसे यांना दिल्या आहेत.