Ajit Pawar funeral live updates : अर्थमंत्री, उपमुख्यमंत्री अजित पवार यांचे बारामतीमध्ये विमान अपघातात निधन झाले. आज त्यांच्या पार्थिवावर अंत्यसंस्कार करण्यात येणार आहे. आज सकाळी त्यांच्या मूळगावी काटेवाडीत त्यांचे पार्थिव आणण्यात आले. आपल्या लाडक्या दादाच्या अंत्यदर्शनासाठी हजारोंच्या संख्येने लोकं जमली आहेत. बारामतीमध्ये कार्यकर्त्यांच्या भावनांचा बांध फुटलाय. दादा परत या... अजित पवार अमर रहे.. आमचा दादा गेला.. आशा भावना कार्यकर्ते, लोकांमधून येत आहेत.

उपमुख्यमंत्री अजित पवारांच्या अंत्यदर्शनासाठी काटेवाडीमध्ये हजारोंचा जनसागरल लोटला आहे. प्रत्येक कार्यकर्त्याच्या डोळ्यात अश्रू दिसत आहे. असून प्रत्येकाच्या डोळ्यात अश्रू दिसत आहेत. आज दादा गेले म्हणजे बारामतीचा बाप गेला, अशी प्रतिक्रिया एका कार्यकर्त्याने दिली. काटेवाडीतील महिला देखील मोठ्या संख्येने अजित पवारांच्या निवासस्थानी पोहोचल्या आहेत. आपला दादा

गेला, आपला भाऊ गेला असा आक्रोश या महिला करत आहेत.

अशी वेळ येईल, असे स्वप्नातही वाटले नव्हते... अशी प्रतिक्रिया काटेवाडीतल्या ग्रामस्थांनी दिली. माणूस परफेक्ट अन् कामाचा होता.. आयुष्यभर लोकांसाठी झटला... दादा गेल्यासारखे वाटत नाही, अशी प्रतिक्रिया त्यांनी दिली.