अर्थ खातं राष्ट्रवादीला मिळणार नसल्याने अजित पवार नाराज असल्याची चर्चा आता सुरू झाली आहे. नागपूरच्या हिवाळी अधिवेशनात याबद्दल कुजबूज सुरू झाली आहे. अर्थ आणि नगर विकास खातं भाजपकडेच राहणार असल्याचं सूत्रांकडून सांगण्यात आलं आहे. त्यामुळे राष्ट्रवादीच्या वाट्याला कोणती खाती येणार हे पहाणं महत्वाचं ठरणार आहे. याचमुळे उपमुख्यमंत्री अजित पवार नाराज असल्याचं बोललं जात आहे. गेल्या चोवीस तासांपासून ते नॉट रिचेबल देखील असल्याचं सूत्रांनी सांगितलं आहे. त्यामुळे राजकीय चर्चांना उधाण आलं आहे.

राज्याचे उपमुख्यमंत्री अजित पवार हे गेल्या चोवीस तासांपासून नॉट रिचेबल असल्याचं सूत्रांकडून सांगण्यात येत आहे. त्यातच आता मंत्रिमंडळ विस्तारानंतर खाते वाटपात अर्थ खातं राष्ट्रवादीला मिळणार नसल्याने अजित पवार नाराज असल्याच्या चर्चा सुरू झाल्या आहेत. नागपूरमध्ये सुरू असलेल्या हिवाळी अधिवेशनात याबद्दल कुजबूज सुरू झाली आहे.