Ajit Pawar Speech Shirur | शिवाजीराव आढळराव पाटील यांच्यासाठी शिरूरमध्ये सभा पार पडली. यावेळी महायुतीतील अनेक नेते उपस्थित होते. अजित पवारांनी ही सभा चांगलीच गाजवलीये. यावेळी अजित पवारांनी विरोधकांवर सडकून टीका केली. आढळरावांना लोकसभेला आणि दिलीप वळसे पाटलांना विधानसभेला असं मतदान तुम्ही आजवर करत आले ना? आता लक्षात ठेवा हे भावनिक करतील, आता माझा पुतण्या बारामतीत लढला. आता काय रडून प्रश्न सुटणार आहेत का? तुमचे प्रश्न भावनिकतेने सुटणार नाहीत. आत्ताचे खासदार काहीही कागदपत्रे दाखवतात अन म्हणतात मी अजित दादांकडे पाठपुरावा केला. गडी अलीकडच्या तारखा टाकतोय अन कागद नाचवतोय. धादांत खोटं बोलतो हा माणूस. मी प्रत्येकाची कामं नक्की करतो. आता भाजपचे जिल्हाध्यक्ष शरद बुट्टे पाटलांना विचारा, ते विरोधात असतानाही मी कामं करायचो. कारण उद्या ते आपल्याकडे परतही येतील, शेवटी राजकारण आहे.