political pressure forcing officers to take VRS : महापालिकेतील अधिकाऱ्यांच्या राजीनाम्यासदर्भात उपमुख्यमंत्री अजित पवार यांनी मोठा दावा केलाय. राजकीय दबावामुळे अधिकारी राजीनामा देत असल्याचं वक्तव्य अजित पवार यांनी केलेय. साम टीव्हीच्या ब्लॅक अॅण्ड व्हाईट कार्यक्रमात अजित पवार बोलत होते. महापालिका निवडणुकीच्या पार्श्वभूमीवर संपादक निलेश खरे यांनी अजित पवार यांची मुलाखत घेतली. यावेळी महापालिकेतील कामकाजावर अजित पवार यांनी केलेल्या वक्तव्यामुळे नव्या चर्चेला सुरूवात झाली.

अजित पवार नेमकं काय म्हणाले ?

चांगले चांगले अधिकारी स्वेच्छा निवृत्ती घेऊन सोडून चालले आहेत. त्यांना सोडून जाण्याचे कारण विचारल्यानंतर त्यांनी राजकीय दबाव असल्याचे सांगितलं. एखाद्या फाईलवर सही करायची म्हटले तर १२-१५ लोक येतात. नुसते उभे राहतात. कुणीतरी येतं अन् इथं सही करा म्हणतात. सही करणाऱ्यांनी समजायचं की आपल्याला अडचणीचं ठरणारे आहे. चुकीचं करण्यापेक्षा स्वेच्छा निवृत्ती झालेल्या बरं, असं त्यांचं मत झालेय. अशा गोष्टी कधीच त्या परिसरात नव्हत्या, असे अजित पवार म्हणाले.