धनंजय मुंडे यांच्या भ्रष्टाचाराची चौकशी करण्यासाठी उपमुख्यमंत्री अजित पवार यांनी आता समिती नेमली आहे. आमदार सुरेश धस यांनी धनंजय मुंडे यांच्यावर ७३ कोटींच्या भ्रष्टाचाराचे आरोप केलेले आहेत. याच भ्रष्टाचाराची चौकशी करण्यासाठी आता अजित पवार यांनी समिती नेमली आहे. यात मागील दोन वर्षात नियोजन समितीने दिलेल्या कामांची चौकशी होणार आहे. समितीला अहवाल सादर करायला एका आठवड्याची मुदत देण्यात आलेली आहे. या समितीत धाराशीवचे उपजिल्हाधिकारी संतोष भोर हे अध्यक्ष आहे. तर अर्थ आणि सांख्यिकी संचालन अप्पर संचालक भांगे, जालना जिल्हा नियोजन अधिकारी सुनील सूर्यवंशी यांचा या समितीमध्ये समावेश आहे. त्यामुळे आता मुंडेंची अडचण आणखी वाढणार का? हे बघणं महत्वाचं ठरेल.