अहमदाबादच्या मेघानीनगर परिसरात एअर इंडियाचे एक विमान कोसळले. ही दुर्घटना मेघानीनगरमधील घोडा कॅम्पजवळ, गुजसेल विमानतळाच्या आसपास घडली. अपघाताची माहिती मिळताच अग्निशमन दलाच्या तीन गाड्या आणि पोलिसांचा ताफा तात्काळ घटनास्थळी दाखल झाल्या. अपघातानंतर दूरवरून धुराचे लोट दिसू लागले, ज्यामुळे परिसरातील नागरिकांमध्ये भीतीचे वातावरण निर्माण झाले.

हे विमान अहमदाबादहून लंडनच्या दिशेने जात होते. उड्डाण केल्यानंतर काही क्षणांतच त्याचे नियंत्रण सुटून ते मेघानीनगरजवळ कोसळले. हे ठिकाण विमानतळापासून अवघ्या 15 किलोमीटर अंतरावर आहे. या विमानात 242 हून अधिक प्रवासी होते, आणि या भीषण दुर्घटनेत मोठ्या प्रमाणावर जीवितहानी झाल्याची माहिती समोर येत आहे.

रहिवासी भागात विमान कोसळल्यामुळे परिसरातही मोठ्या प्रमाणात वित्तहानी आणि इमारतींचे नुकसान झाल्याची शक्यता आहे. या घटनेचा एक व्हिडिओ समोर आला असून, त्यामध्ये अपघाताच्या ठिकाणी झालेला भीषण स्फोट आणि त्यानंतरचे दृश्य स्पष्टपणे दिसत आहे.