एअर इंडियाचं विमान अहमदाबाद विमानतळावरून उड्डाण करताच तांत्रिक बिघाडामुळे काही क्षणांतच कोसळले होते. या भीषण अपघातात २७५ प्रवाशांचा मृत्यू झाला होता. एअर इंडियाच्या विमान अपघाताबाबत प्राथमिक चौकशीतून धक्कादायक माहिती समोर आली आहे. अहवालानुसार, विमान उड्डाण केल्यानंतर अवघ्या ३ सेकंदात इंधनपुरवठा बंद झाला, त्यामुळे दोन्ही इंजिन अचानक बंद पडले आणि विमान कोसळले.

अपघातग्रस्त विमान फक्त ३२ सेकंद हवेत राहिल्याचंही प्राथमिक अहवालात नमूद करण्यात आलं आहे. या ३२ सेकंदात पायलट आणि सहपायलट यांच्यात झालेल्या संभाषणातही इंधनपुरवठा ठप्प झाल्याचा स्पष्ट उल्लेख आहे, असं चौकशी समितीनं स्पष्ट केलं आहे. विमानाच्या इंधन यंत्रणेत दोष होता का? तपास अद्याप सुरू असून, यंत्रणांच्या निष्काळजीपणामुळे इतक्या मोठ्या प्रमाणावर जीवितहानी झाली का, याकडे लक्ष वेधलं जात आहे.