अहमदाबाद विमान दुर्घटनेत २४१ प्रवाशांचा दुर्दैवी मृत्यू झाला असतानाच रमेश विश्वकुमार या एकमेव प्रवाशाने आश्चर्यकारकरीत्या जीव वाचवला आहे. त्याच्यावर सध्या अहमदाबादमधील खासगी रुग्णालयात उपचार सुरू आहेत. पंतप्रधान नरेंद्र मोदी यांनी रुग्णालयात भेट देत रमेशची प्रकृती विचारली आणि त्याला धीर दिला. मोदींनी डॉक्टरांशी चर्चा करत उपचारांची माहिती घेतली आहे.

या अपघातात रमेश गंभीर जखमी झाला असला, तरी त्याचा जीव वाचल्याने ही घटना आशेचा किरण ठरली आहे. मोदींनी रमेशच्या कुटुंबीयांशीही संवाद साधून त्यांना आधार दिला आहे.अपघाताच्या सखोल चौकशीचे आदेश देण्यात आले असून, या दुर्घटनेमुळे देशभरात शोककळा पसरली आहे. केंद्र सरकारने मृतांच्या कुटुंबीयांना आर्थिक मदतीची घोषणा केली आहे. रमेशच्या धैर्याचं कौतुक सर्वत्र केलं जात आहे.