आज गुजरातमधील अहमदाबादमध्ये एक मोठा विमान अपघात झाला आहे. एअर इंडियाचे प्रवासी विमान लंडनला जाण्यासाठी निघाले होते. ते टेकऑफ दरम्यान कोसळले. आणि काही क्षणातच हे विमान मेघानीनगरच्या रहिवासी परिसरात कोसळले. या विमानात क्रूमेंबर्ससह एकूण 242 प्रवासी असल्याची माहिती समोर आली आहे. याच पार्श्वभूमीवर सरकारने आपत्कालीन नंबर देखील जारी करण्यात आला आहे. पंतप्रधान नरेंद्र मोदी यांच्या कार्यालयाकडून देखील या घटनेवर बारकाईने लक्ष ठेवले आहे. या अपघातानंतर बचावकार्य सुरू असून अग्निशमन दल आणि पोलिस तसेच एनडीआरफ जवान दाखल झाले आहे. सर्व डॉक्टरांच्या सुट्ट्या देखील रद्द करण्यात आल्या आहे.