Sujay Vikhe Patil elected ahilyanagar Ahmednagar District Bank chairman : अहिल्यानगर जिल्हा मध्यवर्ती सहकारी बँकेच्या अध्यक्षपदी भाजपचे नेते, माजी खासदार सुजय विखे पाटील यांची निवड झाली आहे. तर उपाध्यक्षपदी बाळासाहेब थोरात यांचे जावई रणजितसिंह देशमुख यांची निवड करण्यात आली आहे. या निवडणुकीत विखे-थोरातांच्या 'सहकार विकास आघाडी'ने २१ पैकी तब्बल १८ जागांवर दणदणीत विजय मिळवत बँकेवर एकहाती सत्ता प्रस्थापित केली आहे.

२१ पैकी १८ जागा जिंकून सहकार विकास आघाडीने जिल्हा बँकेवर आपला झेंडा फडकवला आहे. या विजयानंतर शिर्डी आणि अहिल्यानगरमध्ये कार्यकर्त्यांनी जोरदार फटाके फोडत, घोषणाबाजी करत आणि गुलाल उधळून आनंदोत्सव साजरा केला. छत्रपती शिवाजी महाराज स्मारकापर्यंत विजयी मिरवणूक काढण्यात आली, ज्यामध्ये सुजय विखे यांनी दंड थोपटल्याने राजकीय वर्तुळात चांगलीच चर्चा रंगली आहे.

मुख्यमंत्र्यांच्या कामाचा आदर्श डोळ्यासमोर ठेवून शेतकऱ्यांच्या हिताचे व दुष्काळात उपयुक्त ठरणारे निर्णय घेतले जातील, असे सुजय विखे यांनी स्पष्ट केले आहे.