Manoj Jarange reaction to Hake car attack : पुण्याहून अहिल्यानगरला जात असताना लक्ष्मण हाके यांच्या गाडीवर काही लोकांनी हल्ला केला. या हल्ल्यामध्ये हाके यांना कोणताही दुखापत झालेली नाही. अहिल्यानगरला ओबीसी मेळाव्याला जात असताना त्यांच्या गाडीवर हल्ला झाला. या हल्ल्यावर मनोज जरांगे पाटील यांनी तिखट प्रतिक्रिया दिली आहे. प्रसिद्धीसाठी स्वतःच्या गाडीवर हल्ले करून घेतात, असा हल्लाबोल मनोज जरांगे पाटील यांनी केला आहे. ते छत्रपती संभाजीनगरमध्ये बोलत होते.

मनोज जरांगे पाटील यांची प्रकृती खालवली आहे. त्यांच्यावर सध्या उपचार सुरू आहेत. हाके यांच्यावर हल्ला झाल्यानंतर मनोज जरांगे पाटील यांनी तिखट प्रतिक्रिया दिली. ते म्हणाले की, स्टंटबाज लोकांकडे लक्ष द्यायला वेळ नाही, ते प्रसिद्धीसाठी गाड्यावर हल्ले करून घेतात. या जातीवाद करणाऱ्या लोकांकडे लक्ष द्यायचे नाही, सगळं प्रसिद्धी साठी सुरु आहे. दगड मारून घेतात, हल्ले करून घेतात.