हिंगोलीतील सिरळी गावात बैल नाहीत म्हणून भावालाच औताला जुंपल्याचा धक्कादायक प्रकार घडला आहे. शेतीची मशागत करण्यासाठी बैल परवडत नाहीत म्हणून बालाजी पुंडगे या अल्पभूधारक शेतकऱ्याने भावालाच औताला जुंपण्याचा निर्णय घेतला. या घटनेबाबतची बातमी Saam TV ने दाखवली होती आता साम टीव्हीने दाखवलेल्या या बातमीची दखल कृषीमंत्र्यांकडून घेण्यात आली आहे. अल्पभुधारक शेतकऱ्याची ही बिकटअवस्था बघता बालाजी पुंडगे यांना बैलजोडी देण्याचा कृषीमंत्र्यांकडून मोठा निर्णय घेण्यात आला आहे.