दोन दिवसांपूर्वी मुंबई विमानतळावरील ग्राउंड स्टाफ ची एजिल कंपनी मधील कामगारांच्या प्रश्नांबाबत मनसे आणि शिवसेना ठाकरे पक्ष एकत्र आले होते. मात्र या वेळी त्यांनी मांडलेले मुद्दे हे कामगारांची फसवणूक करणारे आणि दिशाभूल करणारे असल्याचा आरोप भाजप प्रणित अखिल भारतीय कामगार कर्मचारी संघ ने केला आहे. आज एजील च्या शेकडो कर्मचाऱ्यांसह अखिल भारतीय कामगार कर्मचारी संघाच्या पदाधिकाऱ्यांनी विमानतळ परिसरात निदर्शने केली. या वेळी भाजप च्या समर्थनार्थ घोषणाबाजी करण्यात आली. मनसे आणि शिवसेना ठाकरे पक्षाच्या युनियन ने कामगारांची दिशाभूल केली असून भाजप च्या युनियन ने ऐतिहासिक केंद्र शासनाच्या वेतनमान नुसार करार केल्याने या दोन्ही पक्षाच्या युनियन चे धाबे दणाणले असून ते अश्या चुकीच्या गोष्टी पसरवीत असल्याचा आरोप सरचिटणीस सुहास माटे यांनी केला आहे