नांदेड लोकसभेत भाजपाचे उमेदवार प्रताप पाटील चिखलीकर यांचा दारुण पराभव झाला. काँग्रेसचे उमेदवार वसंत चव्हाण यांनी चिखलीकर यांचा पराभव केला. हा पराभव चिखलीकर यांच्या चांगलाच जिव्हारी लागला लागल्याचं दिसतंय.अशोक चव्हाण हे भाजपात आले, चव्हाण भाजपामध्ये आल्याने आपला विजयी निश्चित आहे. असं चिखलिकारांना वाटलं. परंतु अशोक चव्हाण यांच्या सोबत आलेल्या नवीन कार्यकर्त्यांना वाटलं, जुने कार्यकर्ते काम करतील. आणि भाजपातील जुन्या कार्यकर्त्यांना वाटलं, नवीन कार्यकर्ते पक्षात आले ते काम करतील. या गैरसमजातून नांदेड शहरात कमी मतदान झालं. आणि आपला पराभव झाला. असं भाजपचे नेते प्रताप पाटील चिखलीकर म्हणाले. औकात नसणाऱ्यांना पक्षाने मोठं केलं. त्यांनी पक्षाशी गद्दारी केली. असं सांगत त्यांना सोडणार नसल्याचा इशाराही चिखलीकरांनी दिला. नाव न घेता दिलेल्या इशाऱ्यानंतर चिखलीकरांचा रोख नेमका कुणाकडे होता? याची चर्चा सध्या नांदेडमध्ये रंगल्याचं दिसून येतंय.