जम्मू-काश्मीरमधील पहलगाममध्ये झालेल्या भयानक दहशतवादी हल्ल्यानंतर, भारताने मध्यरात्री पाकिस्तान आणि पाकव्याप्त काश्मीरमध्ये जोरदार एअर स्ट्राईक केले. ९ दहशतवादी तळांवर मिसाइल हल्ले करून त्यांना उद्ध्वस्त करण्यात आले असून १०० हून अधिक दहशतवाद्यांचा खात्मा झाला आहे. या कारवाईची आज सकाळी भारतीय सेनेने पत्रकार परिषद घेऊन माहिती दिली.

कालच्या ऑपरेशन सिंदूरनंतर पंतप्रधान नरेंद्र मोदींचे दुपारी पहिले भाषण होणार असल्याने, देशभरात त्यांच्या प्रतिक्रिया जाणून घेण्याबाबत प्रचंड उत्सुकता निर्माण झाली होती. भारताने अंतराळ क्षेत्रात इतिहास घडवला आहे. चंद्रयान-1 मोहिमेद्वारे चंद्रावर पाण्याचा शोध लावला आणि त्यानंतर चंद्रयान-2 व चंद्रयान-3 मोहिमा यशस्वीपणे पूर्ण केल्या. पंतप्रधान नरेंद्र मोदींनी सांगितले की, भारताचा अंतराळ प्रवास ही स्पर्धा नसून मानवतेसाठीची एकत्रित वाटचाल आहे. त्यांनी मार्स मिशन सुरू ठेवण्याचा निर्धार व्यक्त केला आणि गगनयान प्रकल्पाचे महत्त्वही अधोरेखित केले.

पंतप्रधान नरेंद्र मोदींनी सांगितले की, इस्रोने एका मिशनमध्ये 100 सॅटेलाईट एकत्र सोडण्याची ऐतिहासिक कामगिरी केली आहे. भारताची आधुनिक सॅटेलाईट टेक्नॉलॉजी आणि महिला शास्त्रज्ञांचे नेतृत्व याचा गौरव करत त्यांनी 2040 पर्यंत चंद्रावर भारतीय पाऊल पडण्याचा विश्वास व्यक्त केला. भारत लवकरच स्वतःचं स्पेस स्टेशन उभारणार आहे असंही नरेंद्र मोदी म्हणाले.