अभिनेत्री सनी लिओनीला सरकारकडून दरमहा १ हजार रुपये मिळतात. छत्तीसगढ सरकारच्या योजनेची सनी लिओनी हि लाभार्थी ठरली आहे. छत्तीसगड सरकारच्या ‘महतरी वंदन योजनेची’ लाभार्थी म्हणून सनी लिओनीच्या नावावर पैसे पाठवण्यात आल्याचा प्रकार समोर आला आहे.

विवाहित महिलांना महतरी वंदन या छत्तीसगड सरकारच्या योजनेअंतर्गत दर महिन्याला दिले जाणारे १ हजार रुपये पाठवले जातात. कथितरित्या छत्तिसगड येथे सनी लिओनीच्या नावाने एक ऑनलाईन खाते उघडण्यात आलंय. या महतरी योजनेच्या वेबसाईटवर तपासणी केली असता संबंधीत फाइलमध्ये लाभार्थी व्यक्तीचे नाव सनी लिओन आणि पतीचे नाव जॉनी सिन्स दाखवण्यात आले आहे. तसंच मार्च आणि डिसेंबरचा हप्ता देखील लाभार्थीला मिळाला असल्याचं दिसत आहे. आता बस्तर जिल्हा प्रशासन या प्रकरणाची चौकशी करत आहे.