मुंबई : अभिनेता साहिल खान प्रकरणी एक मोठी बातमी समोर आली आहे. महादेव बेटिंग ॲप प्रकरणी मुंबई पोलिसांनी साहिल खानला अटक केली. पण अटकपूर्व जामीन अर्ज फेटाळल्यानंतर पोलिसांचा ससेमिरा चुकवण्यासाठी साहिल खान एका राज्यातून दुसऱ्या राज्यात पळत होता. साहिलने चार दिवसात सहा राज्यात प्रवास केलाय. त्याला शोधण्यासाठी मुंबई पोलिसांना सहा राज्यात प्रवास करावा लागला. वेगवेगळ्या ठिकाणी तो स्वत:ची ओळख लपवून वास्तव्य करत होता.