मुंबई : मुंबई पुणे द्रुतगती मार्गावर एक ट्रक उलटला. ही सगळी घटना सीसीटीव्ही कॅमेऱ्यात कैद झालीय. काल १७ ऑगस्ट रोजी हा ट्रक मुंबईवरून पुण्याला जात होता. त्याच वेळी खंडाळा घाटातील अमृतांजन पुलाखाली चालकाचा ताबा सुटला. त्यामुळे ट्रक थेट उलटला. खंडाळा बोरघाटात हा अपघात झालाय. परंतु सुदैवाने या ट्रक अपघातामध्ये कोणतीही जीवितहानी झालेली नाही.

या घटनेमध्ये ट्रक चालक अगदी थोडक्यात बचावला आहे. अपघाताचा हा थरार सीसीटीव्हीत कैद झाल्यामुळे समोर आलाय. व्हिडिओमध्ये दिसतंय की, एक ट्रक भरधाव वेगाने जातोय. या अपघातामध्ये ट्रकचं मोठं नुकसान झालंय. ही घटना काल दुपारी खंडाळा घाटात घडली आहे. चालकाचं नियंत्रण सुटल्यामुळे ट्रक उलटल्याचं सांगितलं जातंय. काळजाचा थरकाप उडवणारी ही घटना आहे.