नीट पेपरफुटी प्रकरणी धर्मेंद्र प्रधान यांचा राजीनामा आणि इतर मागण्या मान्य केल्यानंतर कॉक्रोच जनता पार्टीने जंतरमंतरवरील आंदोलन मागे घेण्याची घोषणा केली. आंदोलनातील सहभागी विद्यार्थ्यांवर कोणतीही कारवाई होणार नाही, अशी ग्वाही सरकारने दिली होती. मात्र, विद्यार्थ्यांना लक्ष्य केले जात असल्याचा आरोप करताना, सीजेपीचे संस्थापक दिपकेंनी सरकारला पुन्हा आंदोलनाचा इशारा दिला आहे.

अभिजीत दिपकेंनी यासंदर्भात एक्सवर पोस्ट केली आहे. विद्यार्थ्यांचा पोलिसांकडून होणारा छळ सुरूच राहिला, तर सीजेपी लवकरच मोठे शांततापूर्ण आंदोलन उभारेल, असा इशारा दिपकेंनी पोस्टद्वारे दिला आहे. सरकारने विद्यार्थ्यांना लक्ष्य करणे आणि त्यांच्याविरोधात सूडबुद्धीने कारवाई करणे तात्काळ थांबवावे, असेही दिपके म्हणाले.