महाराष्ट्रात सध्या ठाकरे बंधू एकत्र येण्याच्या चर्चा जोर धरू लागल्या आहेत. मागच्या दोन दिवसांपासून यावरून सर्वांच्याच भुवया उंचावल्या असून प्रत्येक नेत्याने यावर प्रतिक्रिया दिली आहे. मात्र, या विषयावर आदित्य ठाकरे यांनी एक वाक्यात प्रतिक्रिया दिली आहे.

आदित्य ठाकरे रस्त्यांच्या कामाच्या पाहणीसाठी वरळी म्हणजेच त्यांच्या मतदारसंघात होते. यावेळी त्यांनी पत्रकरांशी संवाद साधला. याप्रसंगी त्यांना राज आणि उद्धव ठाकरे यांच्यातील युतीबाबत प्रश्न विचारण्यात आले असता ते म्हणाले, मी तुम्हाला एकच स्पष्ट सांगतो की, दोन पक्षप्रमुखांनी जे काही बोलायच होत ते जाहीरपणे तुमच्या माध्यमातून बोलून झाले आहे. त्यावर आम्ही कार्यकर्ते म्हणून काही बोलणार नाही असे भाष्य आदित्य ठाकरे यांनी केले.